मन-एक उनाड पाखरू

कशीबशी समजुत घालून

आठवणींची केस बंद केलेली

एक गार झुळुक काय आली

फाईल पून्हा उलगडली गेली

लाच देऊ पाहीली त्यांना मी

पण ऐटीत भिरकावून ती दिली

जामिनावर सुटलेल्या जीवाला

आता पून्हा शिक्षेची भिती लागली

मिलिंद (नंदू) आग्रे . . . 

https://www.facebook.com/milind.agre.58 

Mb. No :- 8108821950

विणलेला मी गोफ दुहेरी

खुलविण्या अपुल्या नात्याचा

हसरा चेहरा झाला जायबंदी

जेव्हा डाव मोडला खेळाचा ..

मृगजळ सारे विरून गेले

पाऊस होऊनि वाहुनी गेले

अर्थ न राहिला आता जराही 

हातावरच्या अस्पष्ट रेषांचा ..

राहिलो मी किनारी एकटा

पाहत त्या फेसाळलेल्या लाटा

थांग आता लागणार तरी कसा

अवसेच्या रातीला चंद्राचा ..

सावली झाली गडप कोठे

स्पर्श हे झाले मुके असे 

उलटे पडले फासे सारे 

रंग उडाला हा बहराचा ..

मिलिंद (नंदू) आग्रे . . .

https://www.facebook.com/milind.agre.58 

Mb. No :- 8108821950

दडी मारलेल्या ढगांशी 

वाऱ्याने केली लगट 

प्रयत्न केले सुटायचे पन 

ओढुन आणले सरसकट 

मिलिंद (नंदू) आग्रे . . .

https://www.facebook.com/milind.agre.58

Mb. No :- 8108821950

दाटलेय आज आभाळ 

गर्द काळ्या ढगांनी 

आता बहरेल प्रवास 

पून्हा गोड आठवणींनी.. 

मिलिंद (नंदू) आग्रे . . .

https://www.facebook.com/milind.agre.58 

Mb. No :- 8108821950

सुटलाय वारा बेभान 

आठवणींना घेऊनी

आता येऊन धडकतील

पून्हा नव्या जोमानी

मिलिंद (नंदू) आग्रे . . . 

https://www.facebook.com/milind.agre.58 

Mb. No :- 8108821950

बंदिस्त आठवणींना

जामीन मिळालाय

आत्ता हक्काने त्यांनी

धुडगूस घातलाय.. 

मिलिंद (नंदू) आग्रे . . . 

https://www.facebook.com/milind.agre.58 

Mb. No :- 8108821950